Lekin humne itni Urdu shuru mein istemaal Kar li, ki shuddh Hindi aaj kal ke achhe Hindi gaano ki Tarah ho gayi hai - badi mushkil se milti hai.
Aajkal English bhi mix ho gayi hai, aur log aapas mein ek sentence bhi communicate nahi kar pate bina English use kiye.
Problem ye hai ki use toh mein kar lu, log padh bhi le, par content ko chot lagti hai. English words yaha jeet jate hai.
Par koi baat nahi, thode bahut toh likh hi sakta hu.
Socha tha lyrics likhna phir shuru karu. Is baar share hi kar du.
Likha hai pehle bhi. Khat nahi, par online ka zamana hai, bayaan kar diya tha. Iraade mazboot the, toh izhar bhi mazbooti se kiya tha. Chahat adhoori thi, lekin ikraar bakhoobi kiya tha.
Socha na tha us samay, ki ye subah bhi aayegi. Aankhen khuli rahengi mez par, subah bhi jaag jaayegi. Jo 18 ghante jaddojehad mein laga rehta tha kuchh ikhtiyar karne ki firak mein, woh ek minute bhi gin gin kar kaatega.
Dosti hai aapas mein meri khud se aaj, socha na tha us samay ki yeh subah bhi aayegi.
This post is written in Hindi, Urdu, and regular Urdu-mixed-Hindi, but in roman script so it maybe difficult to translate. Sorry reader but devnagri script (for Hindi) is difficult to write or read from phone.
No comments:
Post a Comment